Argentinada MTV’ning realiti-shousi tasvirga olinayotganda vertolyot halokatga uchradi

Argentina g‘arbida AQShning MTV telekanali realiti-shousini tasvirga olish chog‘ida vertolyot halokatga uchradi. Bu haqda TN telekanali bergan ma’lumotlarga asosan “TASS” xabar qilmoqda.

Vertolyot suv omboriga qulab tushgan. Qutqaruvchi va politsiyachilar vertolyot bortida bo‘lgan ikki kishini qidirmoqda. Taxminlarga ko‘ra, ular halok bo‘lgan.

Hodisa sabablari aniqlanmoqda. Dastlabki ma’lumotlarga ko‘ra, vertolyotning boshqaruvchi parragi suvga tegib ketgan.