“Xayabusa-2” zondi bugun Yerga maksimal darajada yaqin kelib, so‘ng uchib ketadi

Bugun, 3-dekabr kuni Yaponiyaning “Xayabusa-2” asteroid zondi Yerga maksimal darajada yaqin keladi, deya xabar bermoqda “RIA Novosti” Yaponiyaning JAXA kosmik agentligiga tayanib. Shu yo‘l bilan u gravitatsiyaviy manyovrlarni amalga oshiradi va bosh maqsadi — Ryugyu asteroidiga yaqin borish yo‘nalishiga tushib oladi.

“Xayabusa-2” zondining maqsadi Ryugyu asteroididan tahlil uchun namuna olishdan iborat bo‘lib, u koinotga 2014-yil dekabrida uchirilgan. Shu hafta u Yerga qaytib keldi va endilikda sayyoraning tortish kuchidan tezligini oshirish uchun foydalanmoqchi.

Bugun Toshkent vaqti bilan 15:08 da “Xayabusa-2” Yerga maksimal darajada yaqin keladi.

Nashr eslatishicha, yaqinlashish vaqtida zond Oy va Yerning “oilaviy portret”larini suratga olib, Yerga yuborgan edi.