“Oltin to‘p”ning so‘nggi da’vogarlari uchligidan o‘rin olgan “Barselona” futbolchisi Lionel Messi o‘ziga xos rekord sohibiga aylandi, deb xabar qiladi “Stadion.uz”.
Gap shundaki, Messi shu paytga qadar ketma-ket 9 yil “Oltin to‘p”ning so‘nggi da’vogarlari uchligidan o‘rin olgan ilk futbolchi bo‘ldi.
U ilk bor 2007-yilda mazkur sovrin uchun yakuniy da’vogarlar safiga kirgandi. O‘shanda Messi Kaka va Krishtianu Ronaldudan keyin uchinchi bo‘lgandi. Keyingi yillar mobaynida argentinalik futbolchi 4 marta bosh sovrinni qo‘lga kiritgan bo‘lsa, 3 marta ikkinchi o‘rinni band etgan.
Eslatib o‘tamiz, “Oltin to‘p-2015” uchun “Barselona”ning ikki nafar a’zosi Lionel Messi va Neymar bilan birgalikda “Real” yetakchisi Krishtianu Ronaldu kurash olib boradi. 2015-yilning eng yaxshi futbolchisi 2016-yil 11-yanvar kuni e’lon qilinadi.
Izoh (0)