Turkiya va Xitoy Qozog‘iston, Ozarbayjon va Gruziya bilan hamkorlikda Xitoydan Yevropaga yuklarni Rossiyani aylanib o‘tib tashish to‘g‘risidagi konsorsiumni ta’sis etdi. Bu haqda “Exo Moskvi” xabar beradi.
Tegishli kelishuv 28-noyabr kuni Istanbulda yirik transport-logistika operatorlari vakillari tomonidan imzolandi.
Xitoy—Turkiya—Yevropa Transkaspiy transport yo‘nalishi imkoniyatlari prezentatsiyasi davomida kelishuvga erishildi. Ushbu loyiha doirasida 2016-yil davomida Gruziya hududi orqali Xitoydan Turkiya va Yevropa yo‘nalishida bir necha ming ilk konteynerlarni tashish rejalashtirilgan.
Tomonlar, shuningdek, kelgusi yilda Ukraina orqali Shimoliy va Sharqiy Yevropaga yuklarni tashiy boshlashni rejalashtirmoqda.
Izoh (0)