Ukraina harbiylari tomonidan AQShdan halokatga olib kelmaydigan qurol-yarog‘ yetkazib berish dasturi doirasida olinayotgan texnikaning bir qismi moddiy va ma’naviy jihatdan eskirgan hamda foydalanish uchun yaroqsiz. Bu haqda The Washington Post nashriga tayanib, “Korrespondent.net” xabar bermoqda.
Gazeta bunga bir necha misollar keltirgan. Jumladan, Donetsk atrofida harakat qilayotgan Ukraina maxsus qismlari bo‘linmasi o‘tgan asrning 80-yillar oxiri, 90-yillar boshida tayyorlangan “Xammer” yo‘ltanlamas mashinalaridan foydalanmoqda. Ulardan ayrimlarining eshik va oynalari plastikdan tayyorlangan. Boshqa maxsus bo‘linmaga amerikalik harbiylar bundan o‘n yilcha avval foydalanmay qo‘ygan zirhli nimchalar berilgan.
The Washington Post AQSh Ukrainaga 260 million dollarlik halokatga olib kelmaydigan qurol-yarog‘ yetkazib berganini eslatib o‘tdi. Pentagonning rasmiy vakili Jo Souers Amerika Ukrainaga taqdim etayogan texnikaning holatini sharhlashdan bosh tortdi.
Izoh (0)