“Temir xonim” nomi bilan tanilgan Britaniya hukumatining sobiq rahbari Margaret Tetcher, umummilliy so‘rovnoma natijalariga ko‘ra, so‘nggi 200 yilda jahon siyosatiga ta’sir ko‘rsatgan eng nufuzli ayol, deya tan olindi. Bu haqda “TASS” xabar bermoqda.
Scottish Widows investitsiya kompaniyasi tomonidan tashkil etilgan so‘rovnoma qatnashchilarining 28 foizi Tetcherni birinchi o‘ringa loyiq ko‘rdi. Britaniya tarixidagi yagona ayol bosh vazir fizika va kimyo bo‘yicha Nobel mukofoti sohibi Mariya Sklodovskaya-Kyurini ortda qoldirdi (u 24 foiz oldi).
Britaniya taxtida o‘tirish davomiyligi bo‘yicha 2015-yil 9-sentabr kuni rekord o‘rnatgan qirolicha Yelizaveta Ikkinchi so‘rovnoma respondentlari tomonidan uchinchi o‘ringa loyiq ko‘rildi.
Dastlabki o‘nlikdan, shuningdek, malika Diana (17 foiz), Britaniyadagi sufrajistlar harakati yetakchisi Emmelin Pankxyorst (16 foiz), ona Tereza (13 foiz), shafqat opasi Florens Naytingeyl (12 foiz) va amerikalik teleboshlovchi Opra Uinfri (6 foiz) joy olgan.
Izoh (0)