Iroqda yazidlarning ommaviy qabri topildi

Iroqning shimoli-g‘arbiy qismida joylashgan Sinjor shahri yaqinida kamida 110 ta kurd-yazid millati vakillari jasadlarining qoldiqlari bo‘lgan ommaviy qabr aniqlandi. Bu haqda “Korrespondent.net” xabar bermoqda.

Sinjor iroqlik kurdlar tomonidan IShID terrorchilik guruhiga qarshi janglarda qaytarib olingan. Yazidlarning dafn etilgan ushbu joy esa hududda aniqlangan oltinchi ommaviy qabr bo‘ldi.

Qurbonlar soni to‘g‘risidagi ma’lumotlar hozircha faqat guvohlarning ko‘rsatmalari bilangina asoslanib turibdi. Taxminlarga ko‘ra, yazidlar 2014-yil avgust oyida shaharni egallab olgan IShID vakillari tomonidan qatl etilgan.