Rossiya prezidenti Vladimir Putin Turkiyaga qarshi sanksiyalar kiritish haqida farmon imzoladi, deya xabar bermoqda Meduza.
Xususan, u 2016-yildan Turkiya bilan vizasiz rejimni to‘xtatish hamda Turkiya mahsulotlari olib kirilishini cheklashni buyurdi, ularning ro‘yxatini Rossiya hukumati tuzib chiqadi.
Turoperatorlarning Turkiyaga yo‘llanmalar sotishi taqiqlandi. Rossiyadan Turkiyaga charter reyslari bekor qilinadi. Doimiy reyslarning taqiqlanishi haqida hujjatda hech narsa deyilmagan.
Sanksiyalar, shuningdek, ish beruvchilarning Turkiya fuqarolarini ishga yollashini va Turkiya yurisdiksiyasi ostidagi tashkilotlarning Rossiyadagi faoliyatini taqiqlaydi, faoliyat turlari ro‘yxati Rossiya hukumati tomonidan tuziladi.
Bundan tashqari, Putin Turkiya avtotashuvchilarining Rossiya hududidagi faoliyati ustidan nazoratni kuchaytirish, Rossiyaning Azov-Qora dengiz havzasidagi dengiz portlari akvatoriyasida xavfsizlik choralarini kuchaytirishni buyurdi.
Izoh (0)