24-noyabr kuni Suriya-Turkiya chegarasi osmonida urib tushirilgan Su-24 samolyotining komandiri asli qozog‘istonlik bo‘lib chiqdi, deya xabar bermoqda “YK-news.kz”.
45 yoshli Oleg Peshkov Sharqiy Qozog‘iston viloyatining Ust-Kamenogorsk shahrida tug‘ilgan va o‘sha yerda o‘qigan.
Su-24 komandiri va shturmani aviakema yo‘q qilinishidan avval katapulta orqali irg‘ib chiqishga ulgurgan, biroq parashyutda qo‘nayotgan komandirni yerdagi Suriya jangarilari otib tashlagan, u halok bo‘lgan. Shturman esa Suriya armiyasi tomonidan nazorat qilinadigan hududga qo‘nib, omon qolgan.
Eslatib o‘tamiz, 25-noyabr kuni Rossiya prezidenti podpolkovnik Peshkov Oleg Anatolyevichning vafotidan keyin unga harbiy burchini bajarish chog‘ida ko‘rsatgan qahramonligi, mardligi va jasorati uchun Rossiya Federatsiyasi Qahramoni unvonini berdi.
Izoh (0)