Qrim Rossiyaning Su-24 samolyoti urib tushirilgani tufayli Turkiya bilan ish aloqalarini uzishga qaror qildi. Bu haqda yarimorol rahbari Sergey Aksenov ma’lum qilgan, deya xabar beradi “Korrespondent.net”.
“Biz qrimliklar turk mahsulotlari, tovarlaridan voz kechish aksiyasida ishtirok etishi lozim, deb hisoblaymiz. Qrimliklarni Turkiyaga borishdan tiyilishga chaqiraman. Bu xavfli bo‘lgani uchungina emas, hozirgi kunda ushbu davlat Rossiyaga dushmanlik kayfiyatini namoyish etayotgani sababli. Turk tadbirkorlari bilan hamkorlik qilishga tayyor emasmiz, hamyurtlarimiz bu qarorni qo‘llab-quvvatlashiga shubham yo‘q”, — deya ta’kidlagan Aksenov.
Uning aytishicha, yarimorol va Turkiya o‘rtasidagi parom qatnovi ham bekor qilinadi.
Izoh (0)