Қрим Россиянинг Су-24 самолёти уриб туширилгани туфайли Туркия билан иш алоқаларини узишга қарор қилди. Бу ҳақда яриморол раҳбари Сергей Аксенов маълум қилган, дея хабар беради «Корреспондент.net».
«Биз қримликлар турк маҳсулотлари, товарларидан воз кечиш акциясида иштирок этиши лозим, деб ҳисоблаймиз. Қримликларни Туркияга боришдан тийилишга чақираман. Бу хавфли бўлгани учунгина эмас, ҳозирги кунда ушбу давлат Россияга душманлик кайфиятини намойиш этаётгани сабабли. Турк тадбиркорлари билан ҳамкорлик қилишга тайёр эмасмиз, ҳамюртларимиз бу қарорни қўллаб-қувватлашига шубҳам йўқ», — дея таъкидлаган Аксенов.
Унинг айтишича, яриморол ва Туркия ўртасидаги паром қатнови ҳам бекор қилинади.
Изоҳ (0)