“O‘zbektelekom” bosh direktori internet tariflari qanday belgilanishini tushuntirdi

“O‘zbektelekom” aksiyadorlik kompaniyasi bosh direktori Abdurashid Abdumo‘minov internet-tariflar qanday omillar asosida belgilanishini tushuntirdi, deya xabar bermoqda “Darakchi” gazetasi.

“O‘zbektelekom” rahbarining so‘zlariga ko‘ra, internet tariflari quyidagi omillar asosida belgilanadi:

• internet xizmatlari bozorida narxlarning raqobatbardoshliligi;
• keyingi hisobot va prognoz davridagi daromad, xarajat va foyda ko‘rsatkichlari;
• internet tarmog‘iga Xalqaro kommutatsiya markazi orqali chiqish xarajatlari;
• internet xizmatlarini ko‘rsatuvchi telekommunikatsiya tarmog‘i va tegishli qurilmalar xarajatlari (mutaxassislar, qurilmalar amortizatsiyasi, soliqlar va majburiy to‘lovlar, kommunal to‘lovlar va h.k.).