Pekinda 20—23-oktabr kunlari Shanxay hamkorlik tashkilotiga a’zo davlatlar Milliy koordinatorlar kengashining navbatdagi yig‘ilishi bo‘lib o‘tdi. Bu haqda O‘zbekiston Tashqi ishlar vazirligi matbuot xizmati xabar bermoqda.
Yig‘ilishda O‘zbekistonning ShHTda 2015—2016-yillarda raisligi doirasidagi asosiy tadbirlarni o‘tkazish jadvali, 2015-yilning dekabr oyida Xitoyda bo‘lib o‘tadigan ShHTga a’zo davlatlar hukumat rahbarlari (bosh vazirlar) Kengashiga tayyorgarlik ko‘rish jarayoni va umumiy kun tartibining boshqa dolzarb masalalari ko‘rib chiqildi.
Pekin shahriga tashrif davomida O‘zbekiston delegatsiyasi Xitoy tashqi ishlar vaziri o‘rinbosari Chen Gopin bilan muzokaralar o‘tkazdi. Uchrashuvda ikki tomonlama va ShHT doirasidagi O‘zbekiston-Xitoy hamkorligining ustuvor yo‘nalishlari muhokama qilindi.
Izoh (0)