Пекинда 20—23 октябрь кунлари Шанхай ҳамкорлик ташкилотига аъзо давлатлар Миллий координаторлар кенгашининг навбатдаги йиғилиши бўлиб ўтди. Бу ҳақда Ўзбекистон Ташқи ишлар вазирлиги матбуот хизмати хабар бермоқда.
Йиғилишда Ўзбекистоннинг ШҲТда 2015—2016 йилларда раислиги доирасидаги асосий тадбирларни ўтказиш жадвали, 2015 йилнинг декабрь ойида Хитойда бўлиб ўтадиган ШҲТга аъзо давлатлар ҳукумат раҳбарлари (бош вазирлар) Кенгашига тайёргарлик кўриш жараёни ва умумий кун тартибининг бошқа долзарб масалалари кўриб чиқилди.
Пекин шаҳрига ташриф давомида Ўзбекистон делегацияси Хитой ташқи ишлар вазири ўринбосари Чен Гопин билан музокаралар ўтказди. Учрашувда икки томонлама ва ШҲТ доирасидаги Ўзбекистон-Хитой ҳамкорлигининг устувор йўналишлари муҳокама қилинди.
Изоҳ (0)