Bolgariya politsiyasi mamlakat chegarasini kesib o‘tmoqchi bo‘lgan afg‘onistonlik muhojirni otib tashladi

Bolgariya chegara xizmati xodimi Bolgariyaga Turkiya orqali kirmoqchi bo‘lgan afg‘onistonlik muhojirni otib tashladi. Bu haqda Agence France-Presse ma’lumotiga asoslanib, “Yevropeyskaya pravda” xabar bermoqda.

“Noqonuniy muhojirlarning katta guruhi Turkiya orqali Bolgariyaga o‘tmoqchi bo‘ldi. Ular ichidan bir kishi qattiq jarohatlandi va kasalxonaga olib borish yo‘lida halok bo‘ldi”, — deb ma’lum qildi Bolgariya IIV matbuot kotibi.

Gap shundaki, 50 nafarga yaqin afg‘onistonlik muhojir chegara patruli hamda politsiya tomonidan qo‘lga olish chog‘ida bo‘ysunishni istamagan.

Muhojirlarda qurol bo‘lganligi haqidagi xabarni Bolgariya IIV tasdiqlamadi. Bo‘lib o‘tgan voqea sabab Bolgariya bosh vaziri Boyko Borisov Yevropa Ittifoqi yetakchilari sammitini vaqtliroq tark etishiga to‘g‘ri kelgan.

Yana shuni alohida ta’kidlab o‘tish kerakki, bu voqea Shengen zonasiga kirmaydigan davlatlar hududida sodir bo‘layotgan ilk jiddiy vaziyatdir.