Bugun,

  • USD 11014.01
  • RUB 191.8
  • EUR 10674.78

JCh—2018 ikkinchi saralash bosqichi 5-turida O‘zbekiston milliy terma jamoasi Bahrayn mehmoni bo‘ldi va yirik hisobda g‘alaba qozondi, deb xabar beradi “Uff.uz”.

Foto: O‘zbekiston futbol federatsiyasi matbuot xizmati

Foto: O‘zbekiston futbol federatsiyasi matbuot xizmati

Birinchi bo‘limda ustunlik O‘zbekiston tomonida bo‘lsa-da, darvozalar daxlsizligi saqlanib qolindi. Bahrayn butun jamoa bo‘lib himoyada o‘ynadi.

Ikkinchi bo‘limda esa, o‘yinning borishi o‘zgardi. Dastlab, raqib jarima maydonchasidagi pala-partishliklardan keyin Igor Sergeyev ajoyib tarzda hisobni ochdi. Darvozaga zarba sifatida Marat Bikmayev yo‘llagan to‘pi Sergeyevga borib tushdi, Igor 3 metrlardan darvozani ishg‘ol qildi.

Oradan to‘rt daqiqa o‘tib, ya’ni 56-daqiqada chap qanotdan yorib kirgan Bikmayev jamoadoshi Ahmedovni to‘p bilan ta’minladi, Odil darvozabonga hech qanday imkoniyat qoldirmadi — 0:2.

62-daqiqada Sardor Rashidov ham o‘z nomini tabloga yozdirib qo‘ydi. O‘ng qanotdan himoyachini aldab o‘tgan Sardor chap oyog‘i bilan ajoyib zarbani ijro etdi va hisobni yirik ko‘rinishga keltirdi.

90+4-daqiqada bo‘lsa, Eldor Shomurodov to‘rtinchi golni ham urdi.

Ushbu gol so‘nggisi bo‘ldi va O‘zbekiston termasi muhim uch ochkoga ega bo‘ldi. Endilikda O‘zbekiston termasi guruh peshqadami KXDRdan bir ochkoga ortda bormoqda.

Eslatib o‘tamiz, ushbu guruhdagi KXDR va Filippin terma jamoalari o‘rtasidagi o‘yinda hisob ochilmagandi.

JCh—2018 saralashi.Bahrayn — O‘zbekiston — 0:4 (0:0)Gollar: Igor Sergeyev (52), Odil Ahmedov (56), Sardor Rashidov (66), Eldor Shomurodov (90+4)Bahrayn: Muhammad Abbos, Said Shubbar, Said Ahmad (Isa, 70), Abdulvahob, Abdulla Alhaza, Abdulla Hilol (Xasan, 57), Abdulla Umar, Said Adnan (Safi, 85), Husan Bobo, Sami Alhusani, Arshid al-XutiO‘zbekiston: Aleksandr Lobanov, Stanislav Andreyev, Yegor Krimets, Anzur Ismoilov, Islom To‘xtaxo‘jev, Odil Ahmedov (Eldor Shomurodov, 86), Aziz Haydarov, Sardor Rashidov, Server Jeparov (Jasur Hasanov, 84), Marat Bikmayev (Javohir Sohibov, 74), Igor Sergeyev.

#JamoaO'YUDMT-NO
1 KXDR43108-210
2 O‘zbekiston430112-59
3 Filippin42115-67
4 Bahrayn41035-73
5 Yaman40040-100

Izoh
Asosiy yangiliklar
Mahalliy
Shavkat Mirziyoyev Sankt-Peterburgda MDHga a’zo davlatlar rahbarlari norasmiy uchrashuvida ishtirok etdi (foto)
Kino
Vaqtingizga achinmaysiz: So‘nggi o‘n yillikning eng yaxshi multfilmlari (video)
Dunyo
Putin va harbiylar o‘rtasidagi yopiq uchrashuvdan so‘ng, Rossiya davlat matbuotiga urushdagi muvaffaqiyatsizliklar haqida yozishga ruxsat berildi