O‘zbekiston Respublikasi Vazirlar Mahkamasi Majlisining 14-sentabrdagi qarori asosida Davlat soliq qo‘mitasi huzurida doimiy ishlaydigan shtab tuzildi. Bu haqda qo‘mita rasmiy saytida xabar beriladi.
Ushbu shtabda tadbirkorlik subyektlarining kichik biznes va xususiy tadbirkorlikni rivojlantirishdagi cheklovlar va to‘siqlarni bartaraf etish bo‘yicha murojaatlari qabul qilinadi.
Tadbirkorlik subyektlarining murojaatlari Adliya vazirligi, Davlat soliq qo‘mitasi, Axborot texnologiyalari va kommunikatsiyalarini rivojlantirish vazirligi, shuningdek, Savdo-sanoat palatasining mas’ul xodimlari tomonidan ko‘rib chiqiladi.
Shtab Toshkent shahri, Abdulla Qodiriy ko‘chasi 13-A uy manzilida joylashgan. 244-89-47, 244-13-89 (faks) telefon raqamlari va murojaat@soliq.uz pochta manzili orqali murojaatlarni jo‘natish mumkin.
Izoh (0)