Dunyodagi 50 dan ziyod mamlakatdan jalb etiladigan 40 ming nafar askar va politsiyachi BMT tinchlikparvar kuchlari safini to‘ldiradi. Jumladan, Xitoy 8 ming, Kolumbiya 5 ming nafar harbiy ajratishni rejalashtirmoqda. Tashkilotning AQSh tashabbusi bilan 28-sentabr, dushanba kuni chaqirilgan tinchlikparvarlik bo‘yicha sammitida shunday qaror qabul qilindi, deya xabar bermoqda “Korrespondent.net”.
Sammitning ochilish chog‘ida AQSh prezidenti Barak Obama “ko‘k kaskalar” dunyo hamjamiyatining qurolli mojarolarni hal etishdagi tayanch kuchi bo‘lib turganini qayd etdi. Ayni paytda BMT tinchlikparvar kuchlari tarkibida 120 mamlakatdan kelgan 125 mingdan ortiq harbiy xizmat qilmoqda. Ularga ketadigan sarf-xarajatlarning taxminan 30 foizini AQSh ko‘taradi.
Izoh (0)