Дунёдаги 50 дан зиёд мамлакатдан жалб этиладиган 40 минг нафар аскар ва полициячи БМТ тинчликпарвар кучлари сафини тўлдиради. Жумладан, Хитой 8 минг, Колумбия 5 минг нафар ҳарбий ажратишни режалаштирмоқда. Ташкилотнинг АҚШ ташаббуси билан 28 сентябрь, душанба куни чақирилган тинчликпарварлик бўйича саммитида шундай қарор қабул қилинди, дея хабар бермоқда «Корреспондент.net».
Саммитнинг очилиш чоғида АҚШ президенти Барак Обама «кўк каскалар» дунё ҳамжамиятининг қуролли можароларни ҳал этишдаги таянч кучи бўлиб турганини қайд этди. Айни пайтда БМТ тинчликпарвар кучлари таркибида 120 мамлакатдан келган 125 мингдан ортиқ ҳарбий хизмат қилмоқда. Уларга кетадиган сарф-харажатларнинг тахминан 30 фоизини АҚШ кўтаради.
Изоҳ (0)