LG Magna, Spirit va Leon modellarini o‘z ichiga oluvchi o‘rtacha narx kategoriyasidagi smartfonlarning yangi lineykasi birinchi marta mart oyi boshida an’anaviy Mobile World Congress (MWC) ko‘rgazmasida taqdim etilgan edi. LG kompaniyasi odatda o‘z smartfonlarini yangi operatsion tizimda chiqaradi, LG Magna, Spirit va Leon Android’ning yangi 5.0 Lollipop versiyasida chiqadi. Yangi lineykadagi qurilmalar qulay narxdagi premium dizayn va funksionallik bilan farqlanadi.
Lotin tilida “buyuk” degan ma’noni anglatuvchi LG Magna smartfoni to‘rt yadroli protsessor hamda 5 dyuymli HD IPS-displey bilan jihozlangan, u In-Cell Touch texnologiyasi tufayli siniq oyna bilan ham ishlayveradi. Ushbu texnologiyaning yana bir afzalligi shundaki, displey barmoq tegishiga tezkorlik bilan javob qiladi.
LG Magna 8 megapikselli asosiy va 5 megapikselli old kamera, 2450 mA/soat sig‘imli akkumulyatorga ega. U selfi ishqibozlari uchun maxsus yaratilgan bo‘lib, undagi “Qo‘l ishorasi bilan suratga olish” funksiyasini ishga tushirish uchun old kameraga kaftni ochib ko‘rsatish, so‘ng yana musht qilib qisish kifoya. Glance View funksiyasi yordamida esa displey bloklanib turgan holatda ham ekranda barmoqni pastga yurgizish orqali vaqt, so‘nggi xabarlar yoki javobsiz qolgan qo‘ng‘iroqlar kabi asosiy ma’lumotlarni ko‘rish mumkin.
LG Spirit smartfoni 4,7 dyuymli In-Cell Touch HD IPS-displey, 8 megapikselli kamera va 2100 mA/soat sig‘imli akkumulyatorga ega. O‘ziga xos egik dizayni tufayli smartfonni qo‘lda ushlash qulay.
Lotincha “sher” so‘zidan olingan LG Leon In-Cell Touch texnologiyasiga ega 4,5 dyuymli IPS-displey bilan jihozlangan. Rear Key boshqaruv tugmasiga ega dizayn smartfonga premium-klass modeli ko‘rinishini beradi. LG Leon Android 5.0 Lollipop operatsion tizimida ishlaydi va premium darajadagi LG smartfonlari foydalanuvchi interfeysining qator xususiyatlariga ega.
Reklama huquqi asosida
Izoh (0)