Rossiya 1-sentabrdan boshlab BMT Xavfsizlik kengashi raisi vazifasini bajarishga kirishdi. “Korrespondent.net” xabariga ko‘ra, Rossiyaning raisligi sentabr oxiriga qadar davom etadi.
Rossiya Tashqi ishlar vazirligi rasmiy vakili Mariya Zaxarovaning ma’lum qilishicha, Rossiya raislik qiladigan oyda eng markaziy tadbir — Yaqin Sharq va Shimoliy Afrikada tinchlik va xavfsizlikni qo‘llab-quvvatlash, mintaqadagi nizolarni tartibga solish va terrorchilikka qarshi kurash masalalariga bag‘ishlangan vazirlarning ochiq majlisidir.
Mazkur majlis 30-sentabr kuni o‘tkazilishi kutilmoqda. Bundan tashqari, Rossiya raisligida BMTning Liviyadagi missiyasi mandatini uzaytirish masalasi ham muhokama qilinadi. Zaxarovaning qayd etishicha, muhokama davomida Liviyadagi vaziyat, sanksiya tartibi ostidagi Liviyadagi ishlar ahvoli ko‘rib chiqiladi.
Izoh (0)