Facebook’да суратларни юклаш пайтидаёқ таҳрирлаш мумкин бўлди

Facebook ижтимоий тармоғи фойдаланувчилари расмларни таҳрирлаш имкониятига эга бўлди, дея хабар бермоқда «Lifehacker.ru».  Аввалроқ ушбу функция фақат iOS’нинг Facebook дастурида мавжуд эди, энди у барча фойдаланувчилар учун тақдим этилди.

Таҳрирлаш функцияси орқали фотосуратларни кесиш, бадиий фильтрлар қўллаш, ёзув ёки стикерлар қўшиш мумкин.

Facebook’га янги расм юклашда, икона устига сичқонча курсорини олиб борганда, мўйқалам шаклидаги белгича пайдо бўлади, уни босиш орқали фотосурат редакторига ўтилади.

Таъкидлаш жоиз, Facebook’даги янги функцияни жиддий график редактор билан таққослаб бўлмайди. У шунчаки расмни бироз жонлантириш, фойдаланувчиларни кулдириш ёки расмдаги муҳим объектга эътибор қаратишнинг тезкор усулидир.