Ijtimoiy tarmoqlarda Avstraliya sohillarida qo‘lga olingan 6 metrli ulkan akula suratlari paydo bo‘ldi. Ko‘p o‘tmay avstraliyalik Mettyu ismli baliqchi aynan u yirtqichni tutganini ma’lum qildi. Bu haqda “Korrespondent.net” xabar berdi.
Baliqchining aytishicha, bolg‘abaliqqa to‘r tashlayotganida ulkan “yo‘lbars”-akula unga hujum qilgan. Internetda ovozalarga sabab bo‘lgan suratlarni esa akula qaysi turga mansubligini bilish uchun qo‘ygan.
Mettyu allaqachon yirtqichni bozorda sotishga ulgurdi, esdalik uchun esa bahaybat jag‘larini olib qolgan.