Madridning “Real” klubi bosh murabbiyi Rafael Benites jamoa yarim himoyachisi Garet Beyl va hujumchi Karim Benzemalar sotilmasligini e’lon qildi, deb xabar bermoqda “Uff.uz”.
“Men mish-mishlarni muhokama qilmoqchi emasman. Bizning munosabatlarimiz juda yaxshi. Beyl yangi mavsumni ajoyib tarzda o‘tkazishiga ishonchim komil. Garet biz uchun juda muhim futbolchi.
Benzema haqida ham shunday deyish mumkin. Men uning o‘yinidan to‘liq qoniqish hosil qilyapman. De Xea? Men matbuot anjumanida ko‘p takrorladim. Qo‘l ostimda o‘ynamayotgan futbolchilar haqida gapirishni istamayman. Bizda uch nafar ajoyib darvozabon bor. Ular haqida gapirishim mumkin”, — dedi Benites.
Izoh (0)