Qozog‘istonda “kapalak sindromi” bo‘lgan qizcha dunyoga keldi

Olma-otaning Kalkaman mikrorayonida “kapalak sindromi” noyob kasalligi bo‘lgan qizcha dunyoga keldi. Bu kasallik bilan tug‘ilgan odamning terisi shunchalik nozik va mo‘rt bo‘ladiki, unga har qanday tegib ketish terini jarohatlanishiga olib keladi. Qozog‘istonda hammasi bo‘lib besh nafar ushbu kasallik bilan yashayotgan kishi qayd etilgan, deb xabar beradi “Nur.kz”.

Kiriyaki ismli qizchaning qanday kasallikka chalinganligini aniqlash uchun shifokorlar uzoq vaqt bosh qotirdi. Oxirgi qo‘yilgan tashhis “kapalak sindromi” genetik xatolik natijasida yuzaga kelib, bunda teri hujayralari bir-biri bilan juda yomon bog‘lanadi. “Kapalak” odamlar nafaqat tashqi, balki ichki tomondan ham juda nozik bo‘lib, ularning qattiq ovqat yeyishi ham taqiqlanadi.

Ikki haftalik Kiriyaki doimiy e’tiborga muhtoj.