Avtotest O‘zbekistonda avtomobil boshqarishni o‘rgatishning butunlay yangicha yondashuvini taqdim etadi.
“Biz shunchaki ta’lim berishni emas, yurtimiz ko‘chalarida harakatlanadigan yuqori malakali haydovchilarni tayyorlashni maqsad qilganmiz. O‘quv jarayonlari qiziqarli bo‘lishi bilan birga o‘ta jiddiy ham bo‘ladi. Imtihonlarda pala-partishlik qilish yaramaydi. Chunki Avtotest sertifikatiga faqatgina eng faol, bilimdon o‘quvchilargina ega chiqishlari mumkin”, — deydi loyiha asoschilari.
Yo‘l harakati qoidalarini o‘rgatish, ayniqsa, nazariy bilimlar o‘quv jarayonining eng muhim qismlaridan biridir. Interaktiv o‘quv dasturi animatsion videodarslar, qiziqarli savol-javob va o‘yinlar kabi zamonaviy o‘qitish uslubini o‘z ichiga oladi.
Avtotest avtomaktablarida har bir dars amaliyot bilan to‘ldiriladi – zamonaviy simulyatorlar va maxsus kompyuter dasturlari yordamida o‘quvchilarga real vaziyatga o‘xshash sharoit yaratib beriladi. Hozirda transport haydovchilarini tayyorlashga doir 276 soatlik dars jadvali ishlab chiqilmoqda.
O‘quvchilar nazariy bilimlarni egallach poytaxtimizning Sergeli tumanidagi zamonaviy avtodromda amaliy mashg‘ulotlarni o‘tkazadilar.
Mazkur zamonaviy va yurtimizda o‘xshashi yo‘q avtodrom Avtotest uchun maxsus qurilgan bo‘lib, unda bo‘lajak haydovchilar mashinani turli sharoitdagi yo‘llarda (yomg‘ir, qor, muz) boshqarishni sinab ko‘radilar. Avtotest avtomobillari harakat qurilmalari, GPS navigatorlari hamda nazorat kameralari bilan jihozlangan.
O‘quv binosi ichida o‘quvchilarning xatti-harakati, bilim olish ko‘rsatkichlari, darslarga qatnashish davomati avtomatlashtirilgan tizim orqali nazorat qilinadi, bu esa o‘quvchilarni obyektiv baholashga yordam beradi.
Shuni alohida ta’kidlash kerakki, Avtotest o‘quv markazida ayol haydovchilar uchun alohida ayol-instruktorlar, psixologlar tomonidan darslar olib boriladi.
O‘quv markazida birinchi tibbiy yordam ko‘rsatish fani professional shifokorlar tomonidan olib boriladi.
Bir so‘z bilan aytganda Avtotest o‘quv markazi yurtimizda transport haydovchilarini tayyorlash va qayta tayyorlash sohasida yana bir oldinga tashlangan qadam bo‘ldi, deb aytsak mubolag‘a bo‘lmaydi. O‘ylaymizki, ushbu zamonaviy ta’lim maskani bitiruvchilari har jihatdan boshqa haydovchilarga o‘rnak bo‘la oladilar.
Xizmatlar litsenziyalangan.
Reklama huquqi asosida
Izoh (0)