BAAda Ramazon sharafiga 879 mahbus ozodlikka chiqariladi

BAA prezidenti shayx Xalifa bin Zayd al-Nahayon muqaddas Ramazon oyi kirib kelishi munosabati bilan butun mamlakat bo‘ylab 879 nafar mahbusni avf etilishini e’lon qildi. Bu haqda Nur.kz xabar bermoqda.

Bundan tashqari, prezident sobiq mahbuslarning majburiyatlari va qarzlarini ham qoplab berish haqida ko‘rsatma berdi.

“Prezidentning bu qarori ularga yangi hayot boshlash uchun imkon berish va ularning oilalariga farovonlik keltirish istagi bilan bog‘liq”, - deyiladi xabarda.

Musulmonlarning Oy taqvimiga asosan, Ramazon yilning hisob bo‘yicha to‘qqizinchi oyi hisoblanadi. Bu oyda musulmon taqvodorlar tong sahardan qosh qorayguniga qadar ro‘za tutadi. Ramazon oyida ro‘za tutish Islomning besh ustunidan biri hisoblanadi.