Janubiy Koreyada MERS koronavirusi bilan zararlanganlar soni 122 kishi yetdi

Janubiy Koreyada Yaqin Sharq respirator sindromi (MERS) koronavirusini yuqtirib olganlar soni 122 kishiga yetdi, deb xabar beradi “Vedomosti”.

Zararlangan 14 kishidan 8 nafari infeksiyaning asosiy manbai hisoblanayotgan Samsung tibbiyot markaziga tashrif buyurgan. May oyida shu yerda koronavirus bilan zararlangan bemor davolangan, lekin unga to‘g‘ri tashxis qo‘ya olishmagan.

Birinchi marta MERS tashxisi 20-may kuni qo‘yildi. O‘shandan buyon 9 kishi ushbu kasallikdan vafot etdi. Karantinga olinganlar soni 3805 kishiga yetdi.

MERS ilk bor 2012-yilda Saudiya Arabistonida qayd qilingan. O‘shandan buyon 20 ta mamlakatda taxminan 1100 kishi kasallikni yuqtirib olgan.