Xitoyda “Dunfanchjisin” (“Sharq yulduzi”) yo‘lovchi kemasi halokati tufayli qidiruv-qutqaruv ishlari uch kundan buyon davom etmoqda, deya xabar beradi “People.com.cn”.
4-iyun holatiga ko‘ra, kema halokati qurbonlari soni 77 kishiga yetdi, hozirgacha 14 kishi qutqarilgan.
Xubey provinsiyasi hukumati qidiruv-qutqaruv ishlariga bir necha ming kishini jalb etdi, qidiruv hududi esa voqea joyidan oqim bo‘yicha 220 kilometrgacha kengaytirildi.
Eslatib o‘tamiz, kema bortida jami 458 kishi bo‘lgan. Teploxod kuchli to‘fon vaqtida ag‘darilgan va ikki daqiqa ichida cho‘kib ketgan.
Nankindan Chunsinga harakatlanayotgan daryo sayyohlik teploxodi bortidagi odamlarning 47 nafari ekipaj a’zolari, besh nafari gidlar, 405 nafari esa yo‘lovchilar bo‘lgan. Ularning barchasi Xitoy fuqarolari, asosan keksalar ekanligi aytilgan.
Izoh (0)