Qozog‘istonning Chimkent shahrida yakuniga yetib borayotgan tennis bo‘yicha “Fyuchers” turkumiga kiruvchi turnirning asosiy to‘r bahslarida yarim final ishtirokchilari ma’lum bo‘ldi, deb xabar beradi “Olamsport.com”.
Mukofot jamg‘armasi 15 ming AQSh dollarini tashkil etuvchi Shymkent Open turnirida 5-raqam ostida tasniflangan Temur Ismoilov musobaqaning to‘rtinchi raketkasi rossiyalik Yevgeniy Tyurnevni ikki setda ham bir xil 6:3 hisobida taslim etdi.
O‘zbekistonning yana bir vakili Sanjar Fayziyev esa turnirning birinchi raketkasi rossiyalik Anton Zaysevni musobaqadan chiqarib yubordi. Birinchi setni 7:5 hisobida o‘z foydasiga hal qilgan Fayziyev ikkinchi setda raqibiga hech qanday imkoniyat qoldirmadi – 6:0.
Izoh (0)