Қозоғистоннинг Чимкент шаҳрида якунига етиб бораётган теннис бўйича «Фьючерс» туркумига кирувчи турнирнинг асосий тўр баҳсларида ярим финал иштирокчилари маълум бўлди, деб хабар беради «Olamsport.com».
Мукофот жамғармаси 15 минг АҚШ долларини ташкил этувчи Shymkent Open турнирида 5-рақам остида таснифланган Темур Исмоилов мусобақанинг тўртинчи ракеткаси россиялик Евгений Тюрневни икки сетда ҳам бир хил 6:3 ҳисобида таслим этди.
Ўзбекистоннинг яна бир вакили Санжар Файзиев эса турнирнинг биринчи ракеткаси россиялик Антон Зайсевни мусобақадан чиқариб юборди. Биринчи сетни 7:5 ҳисобида ўз фойдасига ҳал қилган Файзиев иккинчи сетда рақибига ҳеч қандай имконият қолдирмади – 6:0.
Изоҳ (0)