Avval xabar berganimizdek, Toshkent shahridagi “Next” savdo-ko‘ngilochar majmuasida 25-aprel kuni xalqaro toifadagi ilk muz shousi bo‘lib o‘tadi.
Unda O‘zbekistonning ikki karra chempioni, 2014-yilgi qishki Olimpiya o‘yinlari ishtirokchisi, figurali uchish bo‘yicha respublika va xalqaro miqyosdagi ko‘plab musobaqalar g‘olibi Misha Ge ishtirok etadi.
Shu munosabat bilan Toshkentga tashrif buyurgan Misha Gedan “Pixland.uz” nashri intervyu olib, uning ishtirokida fotosessiya uyushtirdi
“Har safar O‘zbekistonga kelganimda figurali uchishga qiziquvchi kishilar bora-bora ko‘payayotganini ko‘raman. Yaxmalak va seksiyalar ochilmoqda, haqiqiy muz paydo bo‘ldi”, — dedi Misha Ge o‘z taassurotlari bilan bo‘lishar ekan.
“O‘zbekistondan uchib ketayotganimda o‘zim bilan non va quruq mevalar olib ketaman. Umuman bizdagi yeguliklar — suhbat uchun alohida mavzu bo‘la oladi. Bu yerda hammasi mazali va foydali”, — deya ta’kidladi sportchi.
Misha eng chiroyli sport turlaridan biri mamlakatda rivojlanishda davom etishiga umid bildirib qoldi. “O‘zbekiston — issiq mamlakat, muz uning uchun noodatiy narsa. Biroq O‘zbekistonning jahon arenasidagi kelajagiga ishonaman va buning uchun bor kuchimni ishga solaman”, — deya ta’kidladi u.
Izoh (0)