Ruslan Chagayevning promouteri Timur Dugazayev Ramzan Qodirov ko‘magi ostida taniqli kubalik murabbiy Pedro Dias bilan bir yillik shartnoma imzolanganini ma’lum qildi, deya xabar bermoqda “12news.uz”. U Gilyermo Rigondo, Migel Kotto va Odlanyer Solis kabi mashhur bokschilar bilan ishlagan.
Dugazayev so‘zlariga ko‘ra, Chagayev bir oy avval Gamburgda mashg‘ulotlarni boshlagan.
“Hozirda u ikki haftadan buyon Mayamida tayyorlanmoqda, chunki Diasning vizasi muddati tugab, uchib ketishga majbur bo‘ldi. 26-aprel kuni murabbiy bilan birga Chagayev ham Gamburgga qaytadi”, — deya aniqlik kiritdi promouter.
Pedro Dias Ruslanni 27-iyun kuni Germaniyada bo‘lib o‘tadigan jangga tayyorlaydi. Bokschi ushbu jangda kimga qarshi ringga tushishi oshkor etilmayapti.
Izoh (0)