Chet elda operatsiya qildirish uchun zarur bo‘ladigan 200 ming dollar mablag‘ni to‘plash uchun shirinliklardan guldasta yasab sotgan yekaterinburglik maktab o‘quvchisi Aleksandraga o‘nlab kishilar yordam qo‘lini cho‘zdi. Bu haqda “TASS” xabar berdi.
Shifokorlar 13 yoshli Aleksandraga “o‘tkir leykoz” tashxisini qo‘ygan bo‘lib, uni davolash uchun Isroildagi klinikalardan birida 200 ming dollarga operatsiya o‘tkazish zarur edi.
Mablag‘ning 120 ming dollari ko‘ngillilar yordamida do‘konlarda aksiyalar o‘tkazish, OAV va ijtimoiy tarmoqlarda xabar tarqatish, xayriya fondlariga murojaat qilish orqali to‘plandi. 80 ming dollarini esa “Rus mis kompaniyasi” ko‘chirib berdi. Endi Isroilda yashash va yeb-ichish uchun yetarli mablag‘ni yig‘ish qolgan, xolos.
Izoh (0)