Janubiy Koreya harbiy xizmatchilari 1-apreldan KXDR bilan chegaradosh tumanlarda 1950—53-yillardagi Koreya urushi davridan qolgan yer ustidagi minalarni qidirish va yo‘q qilish bo‘yicha ishlarni boshlaydi, deb yozadi “RIA Novosti”.
Operatsiya joriy yilning 27-noyabrigacha davom etadi. Rejaga ko‘ra, qidiruv Kyongido provinsiyasining yettita shahri hududida jami 60 ming kvadrat metr maydonda amalga oshiriladi.
Janubiy Koreya Koreya urushidan so‘ng qolgan yer usti minalarini qidirish va yo‘q qilish ishlarini 2005-yildan buyon olib boradi. O‘tgan yilning o‘zidagina harbiy xizmatchilar 312 ta tankka qarshi va 121 ta piyoda askarlarga qarshi minalarni zararsizlantirishga muvaffaq bo‘lgan. Operatsiya boshidan buyon jami 25 188 ta yer usti minalari topilgan va yo‘q qilingan.
Izoh (0)