Qozog‘iston prezidenti Nursulton Nazarboyev Islom Karimovga O‘zbekiston Respublikasi Prezidenti saylovida g‘olib chiqqani munosabati bilan tabrik telegrammasini jo‘natdi, deya xabar bermoqda “Newskaz.ru”.
Telegrammada ta’kidlanishicha, saylov natijalari Karimovning aholi orasidagi obro‘si, mamlakatning ijtimoiy-iqtisodiy taraqqiyoti va xalqaro maydonda O‘zbekiston o‘rnini mustahkamlashga qaratilgan to‘g‘ri siyosatining qo‘llab-quvvatlanishidan darak beradi.
Qozog‘iston prezidenti Karimov rahbarligida O‘zbekiston gullab-yashnash yo‘lida davom etishiga ishonch bildirdi.
Avvalroq Rossiya Federatsiyasi Prezidenti Vladimir Putin Islom Karimovni O‘zbekiston Prezidenti saylovidagi g‘alaba bilan tabriklagan edi.
Eslatib o‘tamiz, Markaziy saylov komissiyasi tomonidan e’lon qilingan O‘zbekiston Prezidenti saylovining dastlabki natijalariga binoan Islom Karimovga saylovchilarning 90,39 foizi ovoz bergani ma’lum bo‘ldi.
Izoh (0)