Toshkent shahrida davom etayotgan tennis bo‘yicha “Fyuchers” turkumiga kiruvchi ikkinchi toifali xalqaro turnirning qiz bolalar o‘rtasidagi bahslarida ham yarim final ishtirokchilari ma’lum bo‘ldi, deb xabar beradi “Olamsport.com”.
Bu bosqichga bir yo‘la 3 nafar rossiyalik va bir belaruslik tennischi yetib keldi. Bugungi yarim finalda musobaqaning birinchi raketkasi Anastasiya Gasanova to‘rtinchi tartib raqamli jamoadoshi Valeriya Zeleva bilan, turnirning uchinchi raketkasi Yekaterina Kazionova musobaqa kashfiyotiga aylangan belaruslik Yuliya Xatuka bilan munosabatlariga oydinlik kiritib olishi lozim.
Ushbu xalqaro turnirda ishtirok etgan O‘zbekiston vakilalaridan eng yaxshi natijani Laylo Bahodirova qayd etdi. U ikkinchi davrada amerikalik Miranda Ramiresga imkoniyatni boy berib, musobaqadagi ishtirokini yakunladi.
Izoh (0)