Rossiya armiyasi Janubiy Osetiyada yirik ko‘lamdagi harbiy o‘quv mashqlarini o‘tkazdi, deya xabar bermoqda “RBK”.
Jangovar o‘q otish mashg‘ulotlari Dzarsemi poligonida bo‘lib o‘tdi, unda Rossiyaning Janubiy Osetiyadagi harbiy bazasining 600 ga yaqin harbiy xizmatchilari qatnashdi.
Manyovrlarga motoo‘qotar, tank, artilleriya, zenit raketali va maxsus bo‘linmalar jalb etilib, 150 donadan ziyod qurol-aslaha va harbiy texnika qo‘llanildi.
Eslatib o‘tamiz, avvalroq Rossiya va Janubiy Osetiya o‘rtasida hamkorlik va integratsiya to‘g‘risidagi bitim ikki mamlakat prezidentlari Vladimir Putin va Leonid Tibilov tomonidan imzolangan edi.
Bitim Rossiya va Janubiy Osetiyaning ijtimoiy, iqtisodiy va gumanitar sohalardagi, shuningdek tashqi siyosat, mudofaa va xavfsizlik masalalaridagi hamkorligini chuqurlashtiruvchi tayanch hujjatdir.
Izoh (0)