Qozondagi tuman sudi 16-mart, dushanba kuni “Admiral” savdo markazidagi yong‘in to‘g‘risidagi jinoiy ish tergovi doirasida “Investitsiyaviy qurilish kompaniyasi” OAJ va “AS Menejment boshqaruv kompaniyasi” YoAJ (yonib ketgan binoga egalik qiluvchi kompaniya) bosh direktori Robert Xayrullinni ikki oyga — 14-maygacha hibsga oldi, deya xabar bermoqda “RIA Novosti”.
Tergov Xayrullinni yong‘in xavfsizligiga rioya qilmaslik, o‘z vazifasini suiiste’mol qilish, hujjatlarni qalbakilashtirish, xavfsizlik talablariga javob bermaydigan ish bajarganlik yoki xizmat ko‘rsatganlikda gumon qilmoqda.
Eslatib o‘tamiz, Qozonning “Admiral” savdo markazidagi yong‘in 11-mart kuni sodir bo‘ldi, u tezda 4 ming kvadrat metr maydonga tarqalib ketdi. O‘t ketganidan ikki soat o‘tib, kirish eshiklaridan biri qulab tushdi, odamlar xarobalar ostida qoldi. So‘nggi ma’lumotlarga ko‘ra, 17 kishi halok bo‘ldi, 50 dan oshiq kishi jarohat oldi.
Izoh (0)