Қозондаги туман суди 16 март, душанба куни «Адмирал» савдо марказидаги ёнғин тўғрисидаги жиноий иш тергови доирасида «Инвестициявий қурилиш компанияси» ОАЖ ва «АС Менежмент бошқарув компанияси» ЁАЖ (ёниб кетган бинога эгалик қилувчи компания) бош директори Роберт Хайруллинни икки ойга — 14 майгача ҳибсга олди, дея хабар бермоқда «РИА Новости».
Тергов Хайруллинни ёнғин хавфсизлигига риоя қилмаслик, ўз вазифасини суиистеъмол қилиш, ҳужжатларни қалбакилаштириш, хавфсизлик талабларига жавоб бермайдиган иш бажарганлик ёки хизмат кўрсатганликда гумон қилмоқда.
Эслатиб ўтамиз, Қозоннинг «Адмирал» савдо марказидаги ёнғин 11 март куни содир бўлди, у тезда 4 минг квадрат метр майдонга тарқалиб кетди. Ўт кетганидан икки соат ўтиб, кириш эшикларидан бири қулаб тушди, одамлар харобалар остида қолди. Сўнгги маълумотларга кўра, 17 киши ҳалок бўлди, 50 дан ошиқ киши жароҳат олди.
Изоҳ (0)