“Ukraina atamanlari” tarkibidagi o‘zbek bokschisiga jang o‘tkazmasdan g‘alaba yozildi

“Ukraina atamanlari” klubining bosh direktori Dmitriy Gaystruk “Britaniya sheryuraklari” jamoasining 49 kilogrammgacha bo‘lgan vazndagi bokschisi Eshli Uilyams tibbiy ko‘rikka kelmaganini ma’lum qildi, deb xabar bermoqda “Korrespondent.net”.

Shu tariqa, WSB qoidalariga binoan, uning raqibi − “Ukraina atamanlari”ning o‘zbekistonlik legioneri Hasanboy Do‘smatovga muddatidan oldin g‘alaba yoziladi.

Boshqa barcha bokschilar tibbiy ko‘rikdan o‘tgan va ularning Jahon boks seriyasi to‘qqizinchi turi doirasidagi janglari o‘tkaziladi. Eslatib o‘tamiz, o‘z guruhida uchinchi o‘rinda borayotgan “Ukraina atamanlari” tarkibida yana bir o‘zbekistonlik bokschi − Xurshid Normatov ishtirok etadi.