Indoneziyaning Jokyakarta shahrida yashovchi ayol uyini sotuvga qo‘ydi va potensial xaridorlarga o‘ziga uylanishni taklif qildi, deya xabar bermoqda Kompas nashri.
40 yoshli Vina Li mahalliy saytga joylagan e’lonida uyni 990 ming rupiy (taxminan 76,5 ming dollar)ga sotmoqchi ekanligini yozgan. “Asr taklifi! Uyni sotib oling — shunda uy sohibasiga uylanishingiz mumkin”, — deyiladi e’londa.
Vina Lining o‘zi nashrga ma’lum qilishicha, u 2000-yilda eridan beva qolgan. Uzoq vaqt davomida o‘ziga munosib umr yo‘ldoshi bo‘la oladigan erkakni topolmagach, uyni sotish paytida riyeltor unga e’longa nikoh haqidagi taklifni ham qo‘shimcha qilishni maslahat beradi.
“Maqsadim — uyni sotish. Lekin shu bilan birga, mas’uliyatli va yetuk erkak topilib qolsa, balki unga turmushga ham chiqarman”, — dedi uy egasi.
Izoh (0)