Gulistondagi do‘kondan 300 ming so‘mlik mahsulotlar o‘g‘irlab ketildi

Sirdaryo viloyati Guliston shahrida bir xususiy tadbirkorga tegishli savdo do‘konidan tunda 300 ming so‘mlik mahsulotlar o‘g‘irlab ketildi, deb xabar beradi “Postda” nashri.

Qayd etilishicha, shahar IIB xodimlarining surishtiruv-qidiruv ishlari natija bergan. O‘g‘rilikni muqaddam sudlangan sirdaryolik shaxs sodir etgani aniqlanib, unga nisbatan jinoyat ishi qo‘zg‘atildi.