17 февраль куни Қозоғистоннинг Олма-ота вилояти Боралдай қишлоғида собиқ ҳарбий киши ўз жонига қасд қилди, дея хабар бермоқда «7Region.kz».
Қозоғистон мудофаа вазирлиги маълумотига кўра, Абай Мирзабеков аввал 55065-ҳарбий қисм қўмондони бўлган. У худкушликни ҳарбий қисм жойлашган қишлоқда амалга оширган.
Дастлабки маълумотларга кўра, собиқ қўмондон ўзини хизмат қуроли билан отган. Ҳодиса ўзи ишлайдиган хонада рўй берган. Айни пайтда фожиа жойида тергов ишлари олиб борилмоқда.
Собиқ қўмондон мактуб қолдиргани ҳақида хабарлар бор, бироқ унда нима ёзилгани ҳозирча номаълум.
Изоҳ (0)