Turkiyada 20 yoshli Ozgejan Aslan ismli qizning zo‘rlashga urinib, o‘ldirilishi ommaviy namoyishlarga sabab bo‘ldi, deya xabar bermoqda The Guardian. Norozilik harakatlarida motam libosi sifatida qora rangda kiyingan minglab kishilar ishtirok etdi.
Turkiya prezidenti Rajab Toyyib Erdo‘g‘on qizning o‘ldirilishini qoraladi va ayollarga nisbatan shafqatsizlikni mamlakatning “qonab turgan yarasi” deb atadi. U bu uchun javobgar kishilar eng jiddiy jazoga loyiq ekanligini ta’kidladi.
11-fevral kuni 26 yoshli marshrutka haydovchisi Ahmad Sufiy Oltinduke Mersin provinsiyasida Aslanni zo‘rlamoqchi bo‘lgan. Qiz unga qalampirli ballonchani sepib yuborgach, Oltinduke uni lom bilan o‘lgunicha savalagan. So‘ng otasi va do‘stini yordamga chaqirib, jasadni Tarsus shahridagi daryoga tashlagan.
13-fevral kuni qizning kuyish belgilariga ega murdasi topilgan. Uch nafar gumonlanuvchi hibsga olingan.
Izoh (0)