Rossiya Qrimda keng ko‘lamli harbiy mashg‘ulotlarni boshlagani xabar qilindi

Rossiya Qrim va mamlakatning janubiy mintaqalarida keng ko‘lamli harbiy mashg‘ulotlarni boshladi, deb xabar bermoqda “Segodnya.ua”.

Rossiya Mudofaa vazirligi bayonotiga ko‘ra, 1700 nafar harbiy xizmatchi 7 ta poligonda radiatsiya, kimyoviy va biologik himoya vositalarida ish olib boradi. T-72 tanki bazasida ognemyotchi jang mashinalari va “Buratino” tizimining og‘ir ognemyotlari ham harakatlantirilishi ko‘zda tutilgan.

Eslatib o‘tamiz, Rossiya 2014-yil 15-dekabr kuni Kaliningrad viloyatida “Iskander-M” majmualaridan foydalangan holda mashg‘ulotlar o‘tkazgan edi. 2014-yil 1-dekabr kuni Rossiya Mudofaa vazirligi 2015-yilda 4 mingdan ortiq harbiy mashg‘ulotlar va manyovrlar o‘tkazilishi rejalashtirilganini ma’lum qilgan.