2015-yilning 1-yanvar holatiga O‘zbekistonda faoliyat ko‘rsatayotgan tijorat banklari soni 26 tani tashkil etib, ularning 3 tasi davlat tijorat banki, 10 tasi aksiyadorlik tijorat banki, 8 tasi xususiy bank va 5 tasi chet el kapitali ishtirokidagi banklar hisoblanadi. Bu haqda O‘zbekiston Respublikasi Markaziy banki rasmiy saytida qayd etildi.
Shuningdek, O‘zbekistonda xorijiy banklarning 6 ta vakolatxonasi o‘z faoliyatini yuritmoqda, ular bilan respublika tijorat banklari tomonidan keng qamrovli va o‘zaro manfaatli hamkorlik aloqalari o‘rnatilgan.
Respublikaning barcha hududlarida tijorat banklarining tarmoqlari yanada kengayib, 2015-yilning 1-yanvar holatiga banklarning filiallari soni 846 taga yetdi.
Bank muassasalarini aholi va ishlab chiqarish korxonalari hududlariga yanada yaqinlashtirish, bank xizmatlaridan foydalanish sharoitlarini yanada qulaylashtirish, shu jumladan, mijozlarga kommunal va boshqa to‘lovlarni to‘lashlari uchun yanada qulayliklar yaratish maqsadida tashkil etilgan mini-bank va maxsus kassalar soni 2014-yil yakuni bo‘yicha 4244 taga yetdi, shundan 2198 tasi qishloq joylarda joylashgan.
Izoh (0)