Xalqaro hamkorlik bo‘yicha Yaponiya agentligi (JICA) va O‘zbekiston hukumati Amu Buxoro irrigatsiya tizimini modernizatsiya qilish uchun 11,87 milliard yen (116 million dollar) miqdoridagi kredit bo‘yicha ayirboshlash notalarini imzoladi, deya xabar bermoqda “RIA Novosti” respublika qishloq va suv xo‘jaligi vazirligi vakiliga tayanib.
Bitim O‘zbekiston bosh vaziri birinchi o‘rinbosari Rustam Azimov rahbarligidagi O‘zbekiston delegatsiyasining 26—28-yanvar kunlari Yaponiyaga tashrifi davomida imzolandi.
Umumiy qiymati 350 million dollarlik loyiha to‘rtta nasos stansiyasini modernizatsiya qilish, yana bittasini qurish hamda unga tegishli infratuzilmani rekonstruksiya qilishni ko‘zda tutadi. Modernizatsiya muddati — to‘rt yil.
Izoh (0)