Inson sonlarni chapdan o‘ngga qarab sanaydi. Olimlarning aniqlashicha, jo‘jalar ham sanoqni xuddi shu tarzda amalga oshiradi. Ushbu tadqiqot natijalari Science jurnalida e’lon qilindi, deb yozadi “Vse42.ru”.
Jo‘jalar sanashni bilmasa-da, ular obyektlar guruhini soniga qarab ajrata oladi.
Italiyaning Padua universiteti mutaxassislari buni quyidagi usul yordamida aniqladi: ular jo‘jalarga turli sondagi nuqtalardan iborat kartochkalarni ko‘rsatdi, ulardagi nuqtalardan biri ortida chuvalchang yashiringan edi. Dastlab jo‘jalarga beshta nuqta va chuvalchang aks etgan kartochkani, so‘ng ikkita nuqtadan iborat kartochkani ko‘rsatishdi.
Tadqiqotchilar xulosa qilishicha, raqamlar qatori faqat uzoq ta’lim olish natijasida paydo bo‘lmaydi: u ko‘p million yil avval sodir bo‘lgan evolyutsiya jarayonida shakllangan tug‘ma xususiyatdir.
Bunday joylashish tartibi jo‘jalarga ular tug‘ilganidan ma’lum bo‘ladi. Raqamlar qatorini idrok qilish qushlar va sut emizuvchilar sinflarida miya asimmetriyasi umumiy tamoyilidan kelib chiqishi taxmin etilmoqda.
Ba’zi olimlar buni diqqatni jamlashdagi kichik siljish bilan bog‘laydi: odamlar ko‘rish maydonining chap tomonidagi obyektlarni ko‘proq e’tibor bilan kuzatadi, shuning uchun ham sanashni chap tomondan boshlaydi.
Izoh (0)