Rossiyaning Novosibirsk shahrida ichida 15 nafar yo‘lovchisi bo‘lgan trolleybusni olib qochgan 35 yoshli erkak qo‘lga olindi, deya xabar bermoqda “TASS” Novosibirsk viloyati IIV BB matbuot xizmatiga tayanib.
Idora ma’lumotlariga ko‘ra, 30-yanvar kuni trolleybus so‘nggi bekatga yetib kelganida erkak trolleybus haydovchisi bilan jangga kirishgan, uni kabinadan uloqtirib, rulga o‘zi o‘tirgan va trolleybusni haydab ketgan.
Trolleybus Mercedes avtomobili bilan to‘qnashib ketgachgina to‘xtagan. Voqea guvohlari jinoyatchining qochib ketishiga yo‘l qo‘ymagan. Bir necha daqiqadan so‘ng hodisa joyiga patrul-post xizmati politsiyachilari yetib kelgan.
Unga nisbatan “Transport vositasiga g‘ayriqonuniy ravishda egalik qilish” moddasida ko‘zda tutilgan jinoyatlar bo‘yicha ish ochilishi mumkin.
Izoh (0)